Sot me dt. 30.03.2017, në ambjentet e Institucionit të Prefektit u zhvillua mbledhja përfundimtare e Task-Forcës Rajonale të ngritur për ushtrimin e Kontrollit në të gjitha pikat e therjes dhe tregëtimit të mishit. Institucioni i Prefektit të Qarkut Dibër sipas kërkesës së Ministrisë së Bujqësisë, Zhvillimit Rural dhe Administrimit të Ujërave, në zbatim të Ligjit nr.107/2016 datë 27.10.2012 “Për Prefektin e Qarkut” neni 20, dhe referuar përcaktimeve të parashikuara në Aktin Normativ nr. 04, datë 16.08.2012 të Këshillit të Ministrave “Për përcaktimin e rregullave për therjen e kafshëve dhe tregëtimin e mishit të tyre”,
Për,
-Ushtrimin e një kontrolli të përgjitshëm dhe vlerësimin e situatës në të gjitha thertoret, dyqanet e mishit dhe tregut të gjësë së gjallë në të gjithë territorin e Qarkut Dibër brenda 45 ditëve.
– Marrjen e masave të nevojshme teknike dhe administrative për të bërë të mundur zbatimin e legjislacionit përkatës në fuqi duke ruajtur standardet në këtë sektor me qëllim parësor mbrojtjen e konsumatorit urdhëroi ngritjen e një grupi pune Task- Forcë.
Grupi i punës Task-Forcë informoi mbi punën e bërë gjatë kësaj periudhe dhe shprehu gadishmërinë për të bashkëpunuar edhe në të ardhmen.
