Ministrja e Mbrojtjes Olta Xhaçka dhe Prefekti i Qarkut Diber Ardit Kaja, inspektuan punimet e nisura tre muaj më parë për pastrimin e hotspotit të Selicës (Burrel). 20 vjet më parë, shpërthimi në tunelet e mbushura me armatim shkaktoi 23 viktima në radhët e banorëve të fshatit Selicë.
Në 3 muaj të operacionit “Selica” janë gjetur mbi 390 mijë copë municione dhe fishekë të kalibrave të ndryshme dhe është kontrolluar sipërfaqja prej 130 m² e njërit prej tuneleve që po pastrohet.
Zyra e Koordinimit të Minave dhe Municioneve (AMMCO), si një strukturë e specializuar e Ministrisë së Mbrojtjes, një ekip profesionistësh, i ndërtuar gjatë dekadës së fundit me mbështetjen e PNUD dhe donatorëve të ndryshëm, koordinon dhe monitoron operacionet e pastrimit të municioneve të paplasura në hotspote dhe njëherësh bën certifikimin e zonave pas pastrimit të plotë të tyre.
