Prefekti i Qarkut Dibër Z. Nexhbedin Shehu morri pjesë në prezantimin e projektit “Bashki të Forta”. Ky projekt financohet nga Agjensia Zvicerane për Zhvillim dhe Bashkëpunim, implementohet nga Helvetas Swiss Intercooperation dhe ka për qëllim mbështetjen e bashkive me qëllim përmirësimin e cilësisë së ofrimit të shërbimeve për qytetarët. Në seancën e parë informuese gjithashtu morrën pjesë, kryetarë të bashkive të qarkut si dhe drejtues të disa institucioneve qëndrore në nivel vendor.
Prefekti nga ana e tij përshëndeti organizatorët dhe pjesëmarrësit si dhe kërkoi nga drejtuesit e bashkive të sigurojnë bashkëpunim dhe të përpiqen të përfitojnë sa më shumë nga projekte të tilla duke rritur performancën në drejtim të ofrimit të shërbimeve ndaj qytetarëve.
