Prefekti i Qarkut Dibër Z. Nexhbedin Shehu, zhvilloi një vizitë pune në ambjentet e Degës së Doganës Bllatë, Drejtorisë Rajonale të Kufirit dhe Migracionit dhe zyrave të AKU-së pranë kësaj pike doganore, me qëllim verefikimin nga afër të kushteve dhe ambjenteve të punës duke u dhënë gjithashtu mundësi drejtuesve të këtyre institucioneve të shprehin edhe ndonjë shqetësim që mund të kenë në lidhje me punën e tyre të përditshme.
Prefekti gjithashtu kërkoi bashkëpunim dhe ndërveprim ndërmjet institucioneve që operojnë në pikën doganore Bllatë me qëllim arritjen e objektivave dhe kryerjen e punës me përgjegjshmëri ligjore.
